كاملة أبو ذكري تفتح النار على يوسف الشريف: "دعاية مبتذلة واستغلال للدين"

علقت المخرجة المصري كاملة أبو ذكري، على تصريحات الفنان يوسف الشريف، التي أثارت الجدل حول رفضه تقديم "مشاهد ساخنة" في أعماله الفنية.

وكتبت كاملة، عبر صفحتها الشخصية بموقع التواصل الاجتماعي "فيسبوك":"لما يبقي في مشهد لحبيب بيحاول ينقذ حبيبته، والمخرج يقوله هتمسكها وتشدها علشان تبعدها عن طلقة الرصاص، يقوم النجم الفاضل يرفض إنه يمسكها، علشان هو ما بيلمسش الستات.. هي دي بقي المشاهد الساخنة اللي حضرتك بتتكلم عنها؟؟".

وأَضافت قائلة:"ولما النجم يدعو الناس للصلاة وترك مشاهدة مسلسله أثناء موسم عرضه.. ده اسمه دين جديد ولا إيه؟؟؟ بالنسبه ليا ده اسمه نوع من أنواع الدعاية المبتذلة واستغلال أطهر شيء في الوجود لأغراض النجومية وزيادة عدد المشاهدات.. عايز ترضي ربنا في شغلك اختار مواضيع تنور عقل المشاهد أو تشرح قلبه".

وتابعت:"تبقى عايز ترضي ضميرك وتقول في شغلك كلمة حق يمكن تبقي سبب إن ناسك يعيشوا أحسن، والمجاهرة بالصلاة واستغلالها ده محرم في دينك".