بعد التحرش بطفلته.. رانيا يوسف تدعم عمرو السولية

علقت الفنانة المصرية رانيا يوسف، على ما تعرضت له ابنة عمرو السولية نجم النادي الأهلي المصري، من تحرش لفظي.

ونشر رانيا عبر خاصية الـ"ستوري" بموقع تبادل الصور والفيديوهات "انستجرام" صورة من التعليقات التي أغضب بسببها عمرو السولية، وعلقت قائلة:" ربنا يحميلك بنتك ويرحمك من العقول المريضة".

وكان قد نشر "السولية" صورة من تعليقات بعض الأشخاص الذين علقوا على ملابس ابنته التي تبلغ من العمر 3 سنوات من خلال حسابه على "انستجرام"، قائلًا:" ليلى بنتي عندها ٣ سنين و نص ( لسة قالعة البامبرز من كام شهر) الكلام ده بيتقال على طفلة !! ايه اللي يخلي( بني ادم ) خنزير ممكن يبص على لبس طفلة و يركز غير انه فعلاً خنزير ؟! ايه المرض ده !".

وأضاف:"دول اللي لما بيكبروا بيكونوا مغتصبين و متحرشين و اللي بنخاف على بناتنا و اهلنا ينزلوا الشارع عشان ميتعرضوش لأذاهم . اتمنى الشيوخ اللي بيبرروا للتحرش و لبس البنت يكونوا مبسوطين دلوقتى و هما شايفين اللي بيحصل.. قررت اتقدم ببلاغات لاصحاب الكومنتات دي عشان اللي زي دول مينفعش يكبروا وسطنا قررت احمي بناتي اللي لسه مشافوش الدنيا و للاسف خايف عليهم يشوفوا كمية القرف و الاشمئزاز ده".