بعد تجميد أرصدتها.. فوز الشطي تكشف مصدر ثروتها

كشفت الفنانة الكويتية فوز الشطي، مصدر ثروتها بعد الزج باسمها في قضية غسيل الأموال، مؤكدة أنها ستقاضي كل من قام بالتشهير بها.

وقالت فوز الشطي في مقطع فيديو بثته عبر حسابها على تطبيق "سناب شات":"أنا مو ساكتة القضايا بتنرفع والمحامي قاعد يشتغل عليها والناس اللي شهرت وتكلمت وهي مو متأكدة والجرايد اللي اتسبب ايضًا في هالشي أنا برفع عليه قضية هذا من حقي لأنه، لا تروق لا تخاف هذا واحد".

وأضافت:"رقم 2 وهذا للمعلومية وليس تبرير أنا بالوسط الفني منذ عام 2008 يعني فوق الـ13 سنة أي شي في حسابي هذا من تعبي من شقاي 12 ساعة واقفة في اللوكيشن يوميًا تصوير حلو هذا من تعبي وأي شي عندي زيادة هذا من خير زوجي حقي اللي ما يدري ولا يعرف أنا متزوجة من رجل أعمال وعنده خير فأي شي عندي زيادة هذا من خير زوجي".

وتابعت قائلة:"رقم 3 أنا بقول جملة وهي أبدًا مو عنصرية أنا كويتية أبًا عن جد وهذه الأرض تعمني والكويت تهمني وإذا انتوا بتحاربون الفساد بالعكس كلنا وياكم تبون أوراق تبون ثباتات تبون تسألونا يمكن انتوا ما تدرون مو مشكلة لكن ليس من حقكم تشهرون فينا".

واختتمت حديثها قائلة:"مو من حقكم تشهرون فينا سمعتنا مو لعبة واللي تسبب في هالشي أيا كان منصبه وأيا كان اسمه باخد حقي منه وعلى قولتهم لا تروق لا تخافوا واثق الخطى يمشي ملكًا وما راح أسكت وشنو ومثل غير لأ أبديت معاكم وهواجه أول بأول وكل الناس راح تدري شنو قاعد يصير ونصحوني وايد لا تتكلمين لأ أنا واحدة بتكلم وبقول ونصايحكم خلوها لنفسكم هما سمحوا حق نفسهم يشهرون فيني فيتحملون اللي ييهم سمعتنا مو لعبة وراح يبين الخاينين من الخايس يلا قاعدين الحمد لله وناطرين يلا نشوف".