كيف يتصرف تامر حسني مع شخص انتحل صفته ؟

أعرب الفنان المصري تامر حسني، عن استيائه الشديد بعد أن تفاجئ بشخص ينتحل صفته ويقلد صوته، مما أكد انه سيقاضيه.

وكتب تامر، عبر خاصية الـ"ستوري" بموقع تبادل الصور والفيديوهات الشهير "انستجرام":"يا جماعة معلش هو مش وقته بس في شخص فاضي بيكلم ناس وبيقلد صوتي .. معلش خلوا بالكم عشان هو شكله فاضي بزيادة وبيكدب وعمال يغني ويبعت إهداءات وللاسف فيه ناس مصدقاه وفاكرينه انا".

وأضاف:"للتوضيح انا مبتكلمش على أي برامج ولا ابلكيشن ولا أي حاجة غير البوست اللي بنزله على صفحتي أو حسابي الخاص".

واختتم حديثه قائلًا:"وحالا الشخص الكداب ده بيحصل معاه اجراء قانوني ماكنش نفسي اعمل كدة بس ده انتحال شخصية".

 على جانب أخر توقف تصوير فيلم تامر حسني، "مش أنا"، الفترة الحالية بسبب ما يمر به العالم من انتشار فيروس كورونا المستجد، ويعد هذا العمل عودة للفنانة حلا شيحة لعالم سينما بعد غياب طويل، لتلعب دور البطولة النسائية أمامه، ويشارك فيه عددًا من النجوم من بينهم الفنانة سوسن بدر وماجد الكدواني وحجاج عبد العظيم.