شريف منير يعتزل السوشيال ميديا: "كنت بتعامل بقلبي وبطبيعتي"

قرر الفنان المصري شريف منير، أن يبتعد عن السوشيال ميديا لفترة، وذلك بعد الهجوم الذي تعرض له الفترة الأخيرة، إضافة إلى التنمر على أولاده.

وقال شريف عبر حسابه الشخصي بموقع "انستجرام":"انا قررت اخد راحة من السوشيال ميديا انا كنت بتعامل بقلبي وبطبعتي للي الناس عرفاها وعمري ما جرحت حد بكلامي ابدا لكن انا مؤخرا تعرضت لكم من الكراهية والحقد الغير مبرر، رغم تاريخي في التعامل مع الناس عمر ما كان فيه تجاوز".

وأضاف:"انا لما نزلت صورة كنت بسبق علشان اكتشف نوعية معينة من الناس انا مش عايزهم عندي لكن للأسف الموضوع دخل لطريق تاني انا مش حبه لان الناس شايفة ان العادي انا اتشتم وعيلتي يتشتموا لكن مش عادي ان ارد على الغلط".

وتابع:"وعلى فكرة انتو صح مكنش ينفع انزل لمستوى النقاش ده لأنكم متعودتوش مني على كده.. شكرا لكل جمهوري اللي حبني بجد وعارفني كويس.. استراحة شوية بقا".

وشارك النجم شريف منير في السباق الرمضاني الماضي من خلال مسلسل "ونحب تاني ليه"، رفقة النجمة ياسمين عبد العزيز وكريم فهمي وسوسن بدر، ومجموعة أخرى من النجوم.